Səni…


Bilirsən, nədir dərdim?

Çətin biləsən axı…

Bilsən, belə bu andan,

Dəyişən nədir axı?

Şeyx olmaq istəyirdin,

Şairlərin şeyxiydin,

Futbolu çox sevirdin,

Bir də balıq tutmağı,

Maniyalar var idi,

Bir gün xəngəl,

bir gün sazan,

Şəkillərə baxdıqca,

İndi qəlbim sızıldar…

İnanmaq olmur axı,

Sənin bu yoxluğuna,

Barışmaq olmur axı,

Sənsizlik boşluğuna…

Saçlarını yolduqca,

Əsəb, dərdlər, əziz dost,

Zahirən dəyişsən də,

Daxilin dəyişmirdi…

Nə yazım indi sənə,

Nə mənası var axı…

Toydan sonra nağara,

Effektsiz olur axı…

Sən yanımda olanda,

susurdum niyə axı…

Bəlkə bilirdim dəqiq,

Xəbərdarsan hər şeydən,

Hər şeyə söz gərəkmir…

Advertisements